⭐COVID-SAÚDOS !

Ola familias!! 

Benvidas de novo ao blogue da aula de AL da escola EEI de Vilarrodís-Oseiro. Xa pasou un mes dende que voltamos a escola e toda a rapazada e as mestras xa estamos adaptadas ás novas rutinas e normas deste curso tan "especial".  

A través deste blogue mostrarémosvos algunhas das actividades que realizamos na escola. A proposta é continuar con este canle de comunicación para que poidades compartir cos vosos fillos e fillas, algunhas das experiencias vividas no PELO (Programa de Estimulación da Linguaxe Oral) e nas sesións de reforzo educativo.  Ademais, no caso dun novo período de actividade lectiva non presencial, a través desta bitácora propoñeránse actividades didácticas e poderemos seguir en contacto.

Este ano as sesións grupais de estimulación da linguaxe non as realizamos na aula de AL, senón nas dúas aulas de referencia. Ademais, non compartimos os materiais todos xuntos, agora empregamos bolsiñas individuais e caixas por equipos onde só compartimos cos nenos/as da nosa mesa.

Coma neste curso non podemos comezar as mañás con apertas e bicos... tivemos que atopar outras formas de saudarnos para comezar moi ben o día...

Velaquí a mostra dos nosos "Covid-Saúdos"!!

1. CHOQUE DE PÉS !!

2. SAÚDO NAMASTE !!
 

3. CHOQUE DE CÓBADO !!



4. CHOQUE DE CADEIRA !! 


5. SAÚDO COA MAN NO AIRE !!

Lembrade que este curso a premisa é minimizar o contacto, empregando diferentes vías para comunicarnos: web da escola, blogues, mail, teléfono... Ante calquera dúbida e/ou suxerencia non dubidedes en poñervos en contacto con nós, a escola está a vosa disposición.

                                        -Correo elecrónico da escola: eei.vilarrodis@edu.xunta.gal

                                                    -Correo mestra AL: alvilarrodis@gmail.com

Un saúdo para todos e todas!

                                                                            😀

Comentarios

Publicar un comentario

Publicacións populares deste blog

⭐XIMNASIA COA BOCA !

Imaxe
Bos días a todos e todas!! Espero que esteades a gozar unha chea cos paseos e poder saír un pouco a rúa. Hoxe toca activar os músculos da nosa cara e espertar á señora lingua! Vamos a xogar co s beizos, a lingua, as meixelas..!! Os xogos de Praxias Bucofaciais é un dos aspectos traballados no   Taller da Linguaxe Oral   con todos os nenos/as da escola.   A realización de praxias incide no ton e movemento dos órganos faciais (lingua, mandíbula, beizos, meixelas..) e polo tanto, mellora a nosa vocalización, articulación e a pronuncia. Fíxate ben e a facer ximnasia coa boca !                               A actividade está en formato vídeo (pinchade na imaxe superior) e en diapositivas de imaxes  individuais, para que empreguedes a que mellor vos conveña.                           Actividade deseñada para o traballo das praxias bucofonatorias e a motricidade orofacial.       Pictogramas extraídos da web ARASAAC:  http://www.arasaac.o
Ler máis

⭐ONOMATOPEAS DE ANIMAIS!

Imaxe
      Ola peques!! Que tal estades?      Hoxe toca abrir moito os ollos e poñer as orellas ben atentas para converternos en... ANIMAIS !  Seguro que coñecedes o nome de moitos animais, pero... sabedes que ruídos fan? Como soan?       A proposta para hoxe é imitar sons de animais . A actividade consiste en mirar as imaxes, dicir o nome do animal e facer a súa onomatopea (exemplo: vaca "Muuu").  Atrevédesvos? Veña, animádevos!!   A actividade está en formato vídeo (pinchade na imaxe superior) e en diapositivas de imaxes individuais, para que empreguedes a que mellor vos conveña   Actividade de elaboración propia deseñada para o traballo de vocabulario, motricidade orofacial, e a discriminación auditva. Pictogramas extraídos da web ARASAAC:  http://www.arasaac.org Para rematar e continuar coa discriminación auditiva de sons,   recomendarvos a seguinte aplicación gratuíta para dispositivos móbiles (solo dispoñible para siste
Ler máis

⭐VÍDEO: #QUEDANACASA

Imaxe
    Ola nenos e nenas!!  Espero que esteades a desfrutar un montón das visitas aos vosos familiares e amigos, con moita precaución.     Xa pasou moito tempo dende que tivemos que deixar de ir a escola, e sabemos que estades a traballar unha  chea nas vosas casas.       Moitos de vós compartistes a través deste blogue ou doutros da escola as propostas que imos enviando. Moitísimas GRAZAS a todas as familias que vos animastes a compartir connosco as actividades que facedes! Tamén sabemos que outras familias nos seguides, aínda que non enviastes imaxes, tamén o estades a facer moi ben na casa.     Aquí vos deixo un vídeo coas fotos que me foron chegando nestas semanas.  Encantáronme todos os xogos de sopro que inventastes, e os traballos de reciclaxe son estupendos! Espero que vos guste moito!          ⏯  (Premer na imaxe par comezar o vídeo)  ⏯ Unha aperta xigante e moita saúde!! 💚💙💜
Ler máis