⭐ATENCIÓN, MEMORIA E RAZOAMENTO !
Ola rapazada!! Como vades?
Síguennos chegando fotografías e vídeos das fantásticas tarefas que facedes na casa. É unha alegría recibir os vosos correos, felicitarvos polo interese e dedicación. Moitas grazas familias!
Comezamos o mes de xuño con varios materiais para traballar a atención, memoria, asociación e o razoamento lóxico verbal dos máis peques. Ahí van as propostas para darlle o coco:
1. Atopa o intruso: nesta primeria actividade convertímonos en detectives e imos buscar o erro nunha serie de imaxes. O xogo consiste en mirar as imaxes e dicir en alto o nome de cada debuxo. Hai que atopar e sinalar o debuxo que sobra (intruso), ben porque non coincide coas características dos demais ou porque non se parece nada a eles. Estades preparados/as? Comezamos! 👇
Imaxes extraídas de #SOYVISUAL. Pictogramas extraídos de ARASACC. Actividade deseñada para o traballo do vocabulario, asociación e razoamento.
2. Quebracabezas: no seguinte xogo podedes practicar a memoria visual a través de varios quebracabezas. Tedes que escoller o animal que queredes realizar (esquío, gato, léon, lobo ou can) e ir colocando as pezas correctamente. Unha vez rematado o puzzle escoitaredes o nome do animal e o das letras que o compoñen. Clic na imaxe para empezar. 👇
Pulsando no icono "opcións", podedes escoller o nivel de dificultade (máis pezas ou menos ) e tamén podedes elexir se ter a guía (apoio visual) ou non.
Actividade extraída da web https://www.pictojuegos.com/puzzle/ para traballar a __________percepción visual, atención e a conciencia semántica.
3. Xogo de Memoria: entrenamos a memoria visual e auditiva co seguinte xogo de cartas. Abride ben os ollos porque tedes que adiviñar onde están as parellas de cartas iguais! Hai tres niveis de dificultade (fácil-4 cartas, medio-6 e difícil-8 cartas) para que o adaptedes segundo a idade dos vosos nenos e nenas. Podedes elixir entre catro opcións de imaxes para as tarxetas do xogo (números, cores, formas e personaxes). Pulsar na imaxe para comezar o xogo! 👇
Xogo online extraído da web https://arbolabc.com/juegos-de-memoria/memoria-arbol-abc deseñado para o traballo da memoria visual e auditiva.
4. Series Lóxicas: a última proposta é un xogo no que teredes que adiviñar a seguinte carta nunha secuencia lóxica. Premer no enlace do vídeo para comezar. ↓
Neste vídeo tedes que prestar moita atención para practicar as secuencias lóxicas!
E para rematar, aquí vos deixo unha pequena exposición fotográfica con imaxes dos nenos e nenas nos obradoiros de AL, traballando os procesos cognitivos básicos (atención, memoria, percepción, razoamento...) dun xeito máis manipulábel e experimental.
Agardo vos gusten as propostas!! Se vos animades a facer algunha das actividades, xa sabedes, enviade as vosas aportacións ao correo: alvilarrodis@gmail.com
Calquera cousa que nos queirades preguntar ou comentar, non dubidedes, a escola está a vosa disposición. Saúdos familias!! 😉
Comentarios
Publicar un comentario