🌱A NOSA HORTIÑA 🌱

Boas familias!!  Como xa ben sabedes, na escola levamos a cabo distintas accións educativas medioambientais e un curso máis, participamos no  proxecto Voz Natura. O proxecto deste curso 20/21 "Paso a pasiño, faise o camiño" centrouse principalmente no aproveitamento dos recursos e, dotar o amplo espazo verde do que dispoñemos no patio, de diferentes xogos e instalacións.  

De xeito paralelo, leváronse a cabo outras accións encamiñadas á observación da contorna natural da nosa escola, experimentando cos recursos naturais que esta nos ofrece. Así, no outono recollemos as follas que caían das árbores e no inverno preparamos a horta para poder plantar a nova colleita, comezando coa plantación xa case chegada a primavera. 

Para isto, tivemos que arrancar as herbas espontáneas, apañar follas que caeran das árbores do redor ou recoller pedras e paus. Este traballo realizámolo organizándonos por aulas e adaptando as tarefas a cada nivel. Tamén colocamos novos camiños e renovamos algunhas varandas de madeira. Unha vez que limpamos e movemos a terra e delimitamos as parcelas, a finais do mes de febreiro puxémonos mans á obra e iniciamos a plantación de cultivos. Ao longo do segundo trimestre plantamos diferentes produtos na nosa horta. Foron varios os días e plantas que plantaron: leitugas, cebolas, repolos, brócoli, allos-porro, coliflor e alcachofas. No patio, ao carón da horta, temos instalada a plantación de herbas aromáticas. Este curso incorporamos: pirixel, tomillo, menta e sarxa.

Por outro lado, tamén preparamos as macetas individuais que temos no exterior de cada aula e plantamos amorodos. Cada nena e neno, coa súa pala en man, sacou a terra do ano pasado, xa que estaba moi seca, e repúxoa con terra nova. Foi un traballo duro pero moi divertido! Logo, colocaron as plántulas de amorodo, cubriron con terra e regaron.

Foi unha marabilla ver o ilusionados que estaban todos nenos/as, mentres observaban, co moita paciencia, como ían crecendo os nosos cultivos.  Os nosos pequechos e pequechas traballaron todo o curso arreo na horta!!

Velaquí unha pequena mostra do gran traballo da nosa rapazada 👀👇

 Aula 5 anos 

Aula 3-4 anos 

Xa para rematar, mostrarvos o noso percorrido: “Paso a pasiño, faise o camiño” !!

Parabéns a todos os pequerrechos e pequerrechas!! 🏆 Sodes uns auténticos campións e campioas!! FELIZ  VERÁN FAMILIAS!!  A gozar moito das merecidas vacacións neste curso tan especial e diferente!!

E moita, moita sorte para os nosos cativos e cativas de 5 anos que marchan ao "cole de maiores"... Feliz entrada na Primaria!! Unha aperta xigante!! 💙💚💛💜    

 😍