⭐AS PROFESIÓNS !

Bo día! Como estades familias? Espero que moi, moi ben. 
   Nesta ocasión a proposta vai relacionada cos oficios. O reto de hoxe son tres actividades sobre as profesións. Con elas recordaremos o nome de distintos oficios, xogaremos as adiviñas, e fomentaremos de forma lúdica a expresión e a comprensión oral dos nosos pequechos e pequechas.  Velaquí tedes as propostas: 
 
► Cántas profesións coñeces? Comezamos a proposta cun vídeo de Eugenia Romero: "Aprendemos las profesiones". A través del repasaremos o vocabulario de vinte e tres dos oficios máis comúns. Cada imaxe acompáñase do nome da profesión en masculino e feminino. Podedes xogar a repetir os nomes en voz alta mentres visionades o vídeo. 
⇓  Pulsar na ligazón para acceder ao vídeo   ⇓
https://www.youtube.com/watch?v=10VKh09rVRY&t=39s

► Adiviñas  dos  oficios!!   Agora traballaremos a compresión oral xogando a  adiviñar a  personaxe. Anímovos a mirar o vídeo interactivo e a xogar coas profesións. Toca escoitar e adiviñar de quen se trata! 
 ê Clic para comezar  ê

► Verdadeiro  ou  falso??   Agora xa sodes uns auténticos expertos  e  expertas  sobre os oficios, atrevédesvos a pasar a última tarefa? Pois aló imos! Mira as imaxes atentamente e fala sobre elas. Despois, coa axuda dun adulto, pensa si é verdadeiro ou falso. Comezamos a xogar??
Con esta actividade traballamos o vocabulario sobre os oficios e os materiais que se empregan en eles, a comprensión de imaxes e preguntas, o razoamento e a expresión oral.
 
-Imaxes extraídas de #SOYVISUAL: https://www.soyvisual.org/
-Pictogramas extraídos de ARASAAC: http://www.arasaac.org/
► De maior quero ser...  Xa para rematar, propóñovos que fagades un debuxo sobre o traballo que vos gustaría facer cando sexades maiores!
Espero que desfrutedes das propostas!! Calquer dúbida ou suxestión, recordade que está habilitada a opción de comentarios e/ou a tavés do correo alvilarrodis@gmail.com

Lembrade! Agardo as vosas imaxes das actividades que estades a facer nas vosas casas : )  Unha aperta xigante! 🌞🌈

Comentarios

Publicar un comentario

Publicacións populares deste blog

⭐XIMNASIA COA BOCA !

Imaxe
Bos días a todos e todas!! Espero que esteades a gozar unha chea cos paseos e poder saír un pouco a rúa. Hoxe toca activar os músculos da nosa cara e espertar á señora lingua! Vamos a xogar co s beizos, a lingua, as meixelas..!! Os xogos de Praxias Bucofaciais é un dos aspectos traballados no   Taller da Linguaxe Oral   con todos os nenos/as da escola.   A realización de praxias incide no ton e movemento dos órganos faciais (lingua, mandíbula, beizos, meixelas..) e polo tanto, mellora a nosa vocalización, articulación e a pronuncia. Fíxate ben e a facer ximnasia coa boca !                               A actividade está en formato vídeo (pinchade na imaxe superior) e en diapositivas de imaxes  individuais, para que empreguedes a que mellor vos conveña.                           Actividade deseñada para o traballo das praxias bucofonatorias e a motricidade orofacial.       Pictogramas extraídos da web ARASAAC:  http://www.arasaac.o
Ler máis

⭐ONOMATOPEAS DE ANIMAIS!

Imaxe
      Ola peques!! Que tal estades?      Hoxe toca abrir moito os ollos e poñer as orellas ben atentas para converternos en... ANIMAIS !  Seguro que coñecedes o nome de moitos animais, pero... sabedes que ruídos fan? Como soan?       A proposta para hoxe é imitar sons de animais . A actividade consiste en mirar as imaxes, dicir o nome do animal e facer a súa onomatopea (exemplo: vaca "Muuu").  Atrevédesvos? Veña, animádevos!!   A actividade está en formato vídeo (pinchade na imaxe superior) e en diapositivas de imaxes individuais, para que empreguedes a que mellor vos conveña   Actividade de elaboración propia deseñada para o traballo de vocabulario, motricidade orofacial, e a discriminación auditva. Pictogramas extraídos da web ARASAAC:  http://www.arasaac.org Para rematar e continuar coa discriminación auditiva de sons,   recomendarvos a seguinte aplicación gratuíta para dispositivos móbiles (solo dispoñible para siste
Ler máis

⭐VÍDEO: #QUEDANACASA

Imaxe
    Ola nenos e nenas!!  Espero que esteades a desfrutar un montón das visitas aos vosos familiares e amigos, con moita precaución.     Xa pasou moito tempo dende que tivemos que deixar de ir a escola, e sabemos que estades a traballar unha  chea nas vosas casas.       Moitos de vós compartistes a través deste blogue ou doutros da escola as propostas que imos enviando. Moitísimas GRAZAS a todas as familias que vos animastes a compartir connosco as actividades que facedes! Tamén sabemos que outras familias nos seguides, aínda que non enviastes imaxes, tamén o estades a facer moi ben na casa.     Aquí vos deixo un vídeo coas fotos que me foron chegando nestas semanas.  Encantáronme todos os xogos de sopro que inventastes, e os traballos de reciclaxe son estupendos! Espero que vos guste moito!          ⏯  (Premer na imaxe par comezar o vídeo)  ⏯ Unha aperta xigante e moita saúde!! 💚💙💜
Ler máis