⭐ XOGANDO COAS MANS !

Ola nenos e nenas!! Xa non queda nada para rematar o curso e imaxino que tedes moitas ganas de que chegue o verán. Ánimo, xa queda o último esforzo! 💪💪 Mañá é o último día lectivo e comezarán as vacación de verán para toda a rapazada!

O último reto que vos propoño é un experimento con auga: FLOTA OU AFUNDE ? Unha actividade moi sinxela de estimlación sensorial. Atrevédesvos con esta proposta tan fresquiña??

FLOTA OU AFUNDE ?
 OU❓ 
 -Coller un recipiente grande e fondo (barreño, cubo...)  e botarlle auga máis ou menos pola metade.                                         
  -Buscar pola casa algúns xoguetes (tipo pato de goma, bonecos de plástico, pezas dos xogos de construcións, pelotas de plástico...), algunha froita e obxectos que teñades pola casa de distintos materiais (pinza da roupa, peite, culler, pedras, moedas...) que se poidan mollar.

O xogo consiste en ir nomeando os obxectos e dicir algunha característica deles (podedes fixarvos no color, forma, textura, tamaño...) mentres os ides colocando na auga. Introducídeos pouco a pouco e mirade atentamente para observar que ocorre... Tedes que comprobar se flotan ou afunden! 


Despois, xogade libremente cos obxectos e experimentade coa auga un anaco. Seguro que pasades un intre divertido en familia!

Para rematar o xogo e así ir apañando os materiais, collede un coador de cociña e ide "pescando", primeiro todos os obxectos que flotaban na auga e facer un montón. Despois toca "rescatar do fondo do mar" aos obxectos que non flotaban porque non sabían nadar! E facede outro grupo con eles.

Outra opción é recoller os obxectos ao chou e ir clasificándoos en dous grupos segundo a súa flotación. Así os nenos/as comprobarán visualmente as diferenzas.
Animádevos con este xogo tan fresquiño!! 
Con esta actividade promoveredes a psicomotriciade fina, atención, percepción sensorial, o razoamento e o vocabulario dos vosos fillos e fillas.

E xa para rematar gustaríame compartir con vós unhas imaxes dos nosos cativos e cativas de 3 anos manipulando e experimentando coas súas mans! 



Parabéns a todos os pequerrechos e pequerrechas!! 🏆 Sodes uns auténticos campións e campioas!!  FELIZ  VERÁN FAMILIAS!!  A gozar moito das merecidas vacacións!

 E moita, moita sorte para os nosos cativos e cativas de 5 anos que marchan ao "cole de maiores"... Feliz entrada en Primaria!!
Unha aperta xigante!! 💙💚💛💜
🌞

Comentarios

Publicar un comentario

Publicacións populares deste blog

⭐XIMNASIA COA BOCA !

Imaxe
Bos días a todos e todas!! Espero que esteades a gozar unha chea cos paseos e poder saír un pouco a rúa. Hoxe toca activar os músculos da nosa cara e espertar á señora lingua! Vamos a xogar co s beizos, a lingua, as meixelas..!! Os xogos de Praxias Bucofaciais é un dos aspectos traballados no   Taller da Linguaxe Oral   con todos os nenos/as da escola.   A realización de praxias incide no ton e movemento dos órganos faciais (lingua, mandíbula, beizos, meixelas..) e polo tanto, mellora a nosa vocalización, articulación e a pronuncia. Fíxate ben e a facer ximnasia coa boca !                               A actividade está en formato vídeo (pinchade na imaxe superior) e en diapositivas de imaxes  individuais, para que empreguedes a que mellor vos conveña.                           Actividade deseñada para o traballo das praxias bucofonatorias e a motricidade orofacial.       Pictogramas extraídos da web ARASAAC:  http://www.arasaac.o
Ler máis

⭐ONOMATOPEAS DE ANIMAIS!

Imaxe
      Ola peques!! Que tal estades?      Hoxe toca abrir moito os ollos e poñer as orellas ben atentas para converternos en... ANIMAIS !  Seguro que coñecedes o nome de moitos animais, pero... sabedes que ruídos fan? Como soan?       A proposta para hoxe é imitar sons de animais . A actividade consiste en mirar as imaxes, dicir o nome do animal e facer a súa onomatopea (exemplo: vaca "Muuu").  Atrevédesvos? Veña, animádevos!!   A actividade está en formato vídeo (pinchade na imaxe superior) e en diapositivas de imaxes individuais, para que empreguedes a que mellor vos conveña   Actividade de elaboración propia deseñada para o traballo de vocabulario, motricidade orofacial, e a discriminación auditva. Pictogramas extraídos da web ARASAAC:  http://www.arasaac.org Para rematar e continuar coa discriminación auditiva de sons,   recomendarvos a seguinte aplicación gratuíta para dispositivos móbiles (solo dispoñible para siste
Ler máis

⭐VÍDEO: #QUEDANACASA

Imaxe
    Ola nenos e nenas!!  Espero que esteades a desfrutar un montón das visitas aos vosos familiares e amigos, con moita precaución.     Xa pasou moito tempo dende que tivemos que deixar de ir a escola, e sabemos que estades a traballar unha  chea nas vosas casas.       Moitos de vós compartistes a través deste blogue ou doutros da escola as propostas que imos enviando. Moitísimas GRAZAS a todas as familias que vos animastes a compartir connosco as actividades que facedes! Tamén sabemos que outras familias nos seguides, aínda que non enviastes imaxes, tamén o estades a facer moi ben na casa.     Aquí vos deixo un vídeo coas fotos que me foron chegando nestas semanas.  Encantáronme todos os xogos de sopro que inventastes, e os traballos de reciclaxe son estupendos! Espero que vos guste moito!          ⏯  (Premer na imaxe par comezar o vídeo)  ⏯ Unha aperta xigante e moita saúde!! 💚💙💜
Ler máis